Првата трка и Монако ГП се одржа далечната 1929 година, со принцот Луи Втори од кој трката и настанот ја имаше комплетната подршка. На оваа патека воглавно, потребни се големи вештини на возачот, а секако и силината на болидот, бидејки самата патека познато ни е и дека не нуди некоја посебна можност за претекнување или голема возбуда. На оваа патека за пример имаше 6 победи по ред Ајритон Сена помеѓу 1987 и 1993 година. Тесна и збиена трка, по улична патека, низ градот, како што кажавме ни виртуелно не е возможно да се направи нешто повеке, ако не сте од самиот старт на водечките позиции. А секако единствена можност да напредувате е - ако возачот пред вас погреши и испадни од трката. Патеката беше сведок на некои големи изненадувања и резултати, низ годините наназад, особено тоа важи за француските возачи, Жан Пјер Белтоа, кој ја забележа единствената ГП победа и тоа на влажна патека, низ дождот во 1972 година. Оливие Пани ја забележа тука исто така меморијалната победа во 1996 година, стартувајки од средината на стартот, но успеа со својот Лижие да стигне до подиумот. Патеката исто така е сведок на страшната несрека и трагичната смрт на Лоренцо Бандини, инцидент во кој удри директно преку шиканата ,промашувајки го свијокот во 1967 година. Основната изведба на патеката е останата иста од самиот почеток и настанок на патека од 1929 година, секако со мали преправки на неколку свијоци,со цел да се намалат брзините, а да се обезбеди поголема сигурност. Тунелот е направен под Хотелот Лоеф во 1973 година, со што вклученоста на истиот во трката и во патеката ја зголемува спектакуларноста на самата патека, а секако дава и еден спектакуларен пејсаж и видик над самата патека во целост , а тоа секако важи и за сите гледачи и на тв преносите. Безбедноста на самата патека била голем проблем низ годините наназад, со оглед на тоа дека пит и самите погони за болидите и екипите, се доста тука инфериорни во однос на сите останати патеки. Но властите и самите водачи на Ф1 циркусот направија доста исклучоци посебно за оваа патека, се со цел да остане на мапата на Ф1 и на тркачкиот календар. Фактот за тоа е дека оваа историска патека носи најмногу приходи и пари во касата на Ф1 циркусот, а секако и фактот дека е легендарна и претставува поим за улични трки, посебно за Ф1 и најбрзата класа .